聚會

今晚小學同學嫁女，我地成班同學去贈慶。有遠自美國回來，澳

洲，加拿大，近自澳門過來，香港有港九新界，四面捌方的同學

雲集一堂，也有幾位老師。很高興，很開心！屈指一算，相識五

十九年！我地話明年要做大壽，為相識一個甲子而慶祝！

今晚成班同學都是講一樣野，膝頭哥痛，軟，無力登高！原來有

幾個同學食緊葡萄胺基酸。同學提議我食，話有幫助！一個男同

學將他的經驗分享，佢曾經痛到行唔到，對腳不能屈埋！他每晚

沖涼時，用手摩擦腳踭與腳背三十下，佢做左幾個月後，對腳唔

痛，而家膝蓋無事啦！所以佢晚晚都做，叫我地試下。

大家相識時是天真無邪，一個甲子後！互相分享病痛！歲月不饒

人，徒呼奈何！

黃飛虎反五關

尋晚睇輝哥演黃飛虎反五關，好睇，輝哥寶刀未老，火侯十足！

煩惱

呢幾日都要繞一個圈才能回家！每次去開心van仔度都話系統繁忙，要在我相片下指住blog，才可返屋企！寫完文字又唔俾我出公仔，又是因系統繁忙！有無咁忙呀！佢一句繁忙令到我煩惱！開始懷念以前隻虎呀！雖然有時都會頑皮唔聽話，但而家呢個重頑皮，成日扭計，一時不能發表，一時無晒我寫既野，而家唔出公仔！谷哥果邊又複雜，成日玩我！新居又靜悄悄，行宮雖多，無處是樂土！搞到我意興闌珊，無心機寫野！ 今日很倦，走去按腳，師父話我好倦，對腳很硬，淋巴不通，我都知，呢幾日成個機械人咁款。個按摩師很好人，本來很忙，佢見我咁倦，叫下一個客遲二十分鐘才來，幫我按三十分膊頭，怕我痛，用油幫我推，又推又按後舒服晒！按完出來成個人輕鬆左，幾錢？當然貴過深圳啦，但勝在慳車錢同時間。一個半小時盛惠198元，見師傅好人，打賞30元。財散人安樂！懶人做運動。

私房菜

今日與四女一齊去街市買菜，見到有池魚賣，我有幾十年無食過啦！唔知點解突然好想食！（我記起啦，早幾日發夢食池魚呀！夢境成真，今日圓夢）唔貴喎，十元三條，買左三條。孫兒喜歡食魚，買左條唔知咩班，剛剛游完水上岸休息，60元一條。買完魚買菜，女兒話有菜心，但我又突然想食椰菜花，佢地唔食架。於是買椰菜花炒牛肉。女兒約左時間飲碘，所以不能食海產。佢買洋蔥炒豬扒。今日開飯有五碟（食送），我只食我的私房菜！親自下廚架！好耐無煮既白烚魚，女兒問可以咁煮既咩？當然可以，很好味！女兒話池魚很有魚味，不是腥味呀！是魚味喎！以前阿媽成日買架，我有三十年未食過！

朋友

人是不能無朋友，什麼才是朋友？

一齊讀書既是同學，一齊學野既也是同學，一齊工作既是同事，也可叫工友。在網海相逢是網友，一齊唱歌是曲友。但我全部都當是朋友！

朋友可以互相幫助，互相關心。開心時一同分享，唔開心時聽你傾訴心聲，聽你發牢騷，陪伴你。但真正做到這樣的朋友唔容易遇到，所以人生得一知已死而無憾，能夠有一個真正的知已是很難很難的呀！

朋友要互相珍惜，互相尊重，不是利用，有些人覺得你有利用價值時對你很好，利用完就對你冷淡，甚至踩你，打擊你，唔想你叻過佢，一有機會就貶低你，呢的人重可以算是朋友嗎？相識也是緣份，但相見時唔開心，還應該維繫友情嗎？