私房菜

今日與四女一齊去街市買菜，見到有池魚賣，我有幾十年無食過啦！唔知點解突然好想食！（我記起啦，早幾日發夢食池魚呀！夢境成真，今日圓夢）唔貴喎，十元三條，買左三條。孫兒喜歡食魚，買左條唔知咩班，剛剛游完水上岸休息，60元一條。買完魚買菜，女兒話有菜心，但我又突然想食椰菜花，佢地唔食架。於是買椰菜花炒牛肉。女兒約左時間飲碘，所以不能食海產。佢買洋蔥炒豬扒。今日開飯有五碟（食送），我只食我的私房菜！親自下廚架！好耐無煮既白烚魚，女兒問可以咁煮既咩？當然可以，很好味！女兒話池魚很有魚味，不是腥味呀！是魚味喎！以前阿媽成日買架，我有三十年未食過！