煩惱

呢幾日都要繞一個圈才能回家！每次去開心van仔度都話系統繁忙，要在我相片下指住blog，才可返屋企！寫完文字又唔俾我出公仔，又是因系統繁忙！有無咁忙呀！佢一句繁忙令到我煩惱！開始懷念以前隻虎呀！雖然有時都會頑皮唔聽話，但而家呢個重頑皮，成日扭計，一時不能發表，一時無晒我寫既野，而家唔出公仔！谷哥果邊又複雜，成日玩我！新居又靜悄悄，行宮雖多，無處是樂土！搞到我意興闌珊，無心機寫野！ 今日很倦，走去按腳，師父話我好倦，對腳很硬，淋巴不通，我都知，呢幾日成個機械人咁款。個按摩師很好人，本來很忙，佢見我咁倦，叫下一個客遲二十分鐘才來，幫我按三十分膊頭，怕我痛，用油幫我推，又推又按後舒服晒！按完出來成個人輕鬆左，幾錢？當然貴過深圳啦，但勝在慳車錢同時間。一個半小時盛惠198元，見師傅好人，打賞30元。財散人安樂！懶人做運動。