今晚小學同學嫁女，我地成班同學去贈慶。有遠自美國回來，澳
洲，加拿大，近自澳門過來，香港有港九新界，四面捌方的同學
雲集一堂，也有幾位老師。很高興，很開心！屈指一算，相識五
十九年！我地話明年要做大壽，為相識一個甲子而慶祝！
今晚成班同學都是講一樣野，膝頭哥痛，軟，無力登高！原來有
幾個同學食緊葡萄胺基酸。同學提議我食，話有幫助！一個男同
學將他的經驗分享，佢曾經痛到行唔到，對腳不能屈埋！他每晚
沖涼時，用手摩擦腳踭與腳背三十下，佢做左幾個月後，對腳唔
痛，而家膝蓋無事啦！所以佢晚晚都做，叫我地試下。
大家相識時是天真無邪，一個甲子後！互相分享病痛！歲月不饒
人，徒呼奈何！
