2013年9月20日星期五
中秋節
| ||
尋日中秋節，全部人去四女家食飯，大廚當然
係佢啦，我做咩？財政部長！
尋日餐飯唔只是做節咁簡單架，還為四女同細女
慶祝生日，佢地農曆生日只差四日，年紀差四年，
好巧合！還有一個特別要慶祝的原因，細女寫左一篇
關於醫學的學術文章，竟然入左圍，可以去外國參加
一個學術性的國際交流會議，佢好開心！文章是碩士
考試時寫既，教授覺得佢寫得好，問佢參加比賽嗎？
結果參加比賽而入圍，不是公司派佢去。意義不同，
證明佢有實力，所以佢好開心！我都很開心！
尋日食咩？做節一定有雞同燒肉。買左兩條沙巴
龍（？），兩斤海蝦，（好貴呀）幾隻唔知咩
花蟹，細女買羊扒同青口，我買兩罐安記飽魚。
尋日分工合作，飽魚由大女婿加工，（好味）
細女煮白汁青口，（各人讚不絕口）四女焗羊扒，
蒸蟹，煎蝦，一半白灼俾小朋友食，姐姐蒸魚同灼菜。
食完飯照例與小朋友落公園玩，我拜完神就一齊
賞月。細女好開心，今年好豪地買左8個日本水蜜
桃，（每個88元）兩個水晶梨，大家都話唔捨得買！
（因為窮呀嘛）我買提子，水晶梨，（唔記得細女已買）
紅柿，碌柚，芋仔，至於月餅？勁啦！四女買兩個雙黃
豆蓉俾我，雙黃紅豆沙俾大家。我的仔女一定要食奇華
雙黃紅豆沙架！媳婦帶半島奶黃同國金軒迷你月餅，
大女就有冰皮迷你月餅。
既然是有人生日，當然要有生日蛋糕啦，因為太多野
食，所以四女自制迷你朱古叻慕絲！小朋友齊齊唱
生日歌！
尋晚大家都玩到很夜才各自回家！
| ||
| 回應(2) |
2013年9月11日星期三
2013年9月10日星期二
訂閱：
留言 (Atom)