聚會

今年與網友相聚都是在節日，元宵是中國情人節，相約曲友一齊食步飛，飯後還去文化中心廣場睇花燈，倒也樂也融融。
尋日是婦女節，五位網中人與超伯茶聚次酒樓，大家閒話家常，很是開心！

聚會

今晚小學同學嫁女，我地成班同學去贈慶。有遠自美國回來，澳

洲，加拿大，近自澳門過來，香港有港九新界，四面捌方的同學

雲集一堂，也有幾位老師。很高興，很開心！屈指一算，相識五

十九年！我地話明年要做大壽，為相識一個甲子而慶祝！

今晚成班同學都是講一樣野，膝頭哥痛，軟，無力登高！原來有

幾個同學食緊葡萄胺基酸。同學提議我食，話有幫助！一個男同

學將他的經驗分享，佢曾經痛到行唔到，對腳不能屈埋！他每晚

沖涼時，用手摩擦腳踭與腳背三十下，佢做左幾個月後，對腳唔

痛，而家膝蓋無事啦！所以佢晚晚都做，叫我地試下。

大家相識時是天真無邪，一個甲子後！互相分享病痛！歲月不饒

人，徒呼奈何！

十一郎

十一郎二歲生日啦！祝他快高長大，身體健康！

黃飛虎反五關

尋晚睇輝哥演黃飛虎反五關，好睇，輝哥寶刀未老，火侯十足！

二孫女

二孫女在美國出生，佢未出世我就去美國，在產房睇住佢

出世。我湊左佢三年半。轉眼佢已經十三歲，讀緊中學，

成績唔錯。可算是文武雙全。她是男仔頭，不喜歡扮靚！

（似我）佢三歲已經教佢講唐詩，中文字寫得幾靚。未夠

十歲已經睇晒全套英文版哈理波特！細細個時既興趣班是

台拳道，小學踢足球，佢隊足球攞獎架！估唔到佢今年竟

然學插花！

上年開始參加音樂班，玩既係大喇叭！

無情寶劍有情天

唱歌能醫病又一証明！尋日精神還未恢復，好倦，有咳，好奇怪，唱歌時唔咳，唱完就咳。尋日唱左7首呀！

病到曚曚地，蕭娘，琴郎！你們聽到嗎？

          https://app.box.com/s/162wzj38mtidxg0hpgv4

生日快樂

前幾日細女去左泰國，我去她家教孖寶做功課。

大B見到我，立即取出玩具反斗城本書出來，好正經咁同我講：婆婆，我就梨生日啦，你送咩生日禮物比我？我問佢：咩唔係送生日常蛋糕咩？（每個孫兒開生日會都是我俾錢買蛋糕）大B諗左幾秒，我想要禮物，指住本書中的一件玩具，我想要呢個鐵甲人！嚇！柒百幾？我跟著問佢：婆婆都是就梨生日喎，你是否請我食步飛？（舊年佢出二百元請我）佢話：要問下媽咪喎！我問佢有無錢？佢話佢大把錢！不過，的錢留番買二年級的書！

前日同細女飲茶時，講起呢個牙擦仔，我將之前果番話說給女兒聽。今日同細女飲茶時，佢話尋日問孖寶，送什麼禮物俾佢，大B話買生日蛋糕俾媽咪，女兒問佢，你的錢咩唔係要用來買二年級的書嗎？大G話：咁等我出晒買蛋糕既錢啦！大B很快咁問家姐，你的錢唔駛留番買三年級的書嗎？真係被佢激C，對住佢唔知嬲定笑！結果兩姐弟每人出150元，送生日蛋糕比媽咪！

在隨意窩做的生日卡！